Протеини после тренинг – која е оптималната количина што ви е потребна? - NutriShop.mk

Протеини после тренинг – која е оптималната количина што ви е потребна?

Веќе знаете дека протеините се основна храна за мускулниот систем и дека треба да бидат присутни во вашата исхрана, особено пред и после тренинг. Но, главната дилема се јавува околу количината која треба да ја внесете. Иако храната која што ја внесувате пред тренинг влијае на вашите резултати, количината на протеини после тренинг најмногу влијае на опоравувањето и формирањето на мускулна маса.

Што кажува науката за ова?

Сите ние имаме различни цели, различна телесна маса, а најважно е тоа што нашиот организам функционира различно. Токму затоа и постојат персонализирани режими на исхрана и тренинг. Но, најновите истражувања покажуваат дека генерално на секој од нас му се потребни 40 грама протеини после тренинг за да ја одржи оптималната форма на мускулниот систем.

Во едно од овие истражувања испитаниците биле поделени според телесна маса и им биле дадени 20 и 40 грама whey протеини после два целосни тренинзи. Реултатите покажале дека без разлика на телесната маса, оние кои консумирале 40 грама whey протеин имале 20% подобра синтеза на протеини во мускулите по вежбањето од оние кои земале 20 грама протеини. Ова е прво истражување од овој тип, но резултатите јасно покажуваат дека ако сакате да ја зголемите мускулната маса, треба да внесувате по 40 грама протеин по секој тренинг.

man at the gym drinking from the mixer

Како да внесете 40 грама протеини после тренинг?

Whey протеинот и пилешките стекови се најсигурниот начин да обезбедите чисти протеини за вашиот мускулен систем, но секако е добро да внесете промени од време на време во вашата исхрана. Ова се неколку комбинации на храна кои ќе ви помогнат да ја остварите вашата цел:

  • 200 грама филети од лосос + 1 шолја киноа + неколку китки брокула
  • 1 шолја млеко со ниска масленост + ½ шолја јогурт со ниска масленост + 1 дозерка whey протеин + 1 лажица путер од кикиритки + 1 банана
  • 1 шолја павлака со ниска масленост + 1 дозерка whey протеин + ½ шолја боровинки
  • 200 грама пилешки гради + 1 шолја интегрален ориз + 2 шолји сецкан кељ
  • 200 грама говедско филе + 1 благ компир + 2 лажици песто
  • 100 грама туна + ½ шолја грав + 2 шолји сецкан спанаќ + 5 шери домати

Leave a Reply

Your email address will not be published. Required fields are marked *