Која храна мора да ја одбегнуваме, а која храна треба да ја консумираме. - NutriShop.mk

Која храна мора да ја одбегнуваме, а која храна треба да ја консумираме.

 

Рафиниран (бел) шеќер

Овој вид на шеќери се лоши по вашето здравје и по вашата цел до здраво,мускулно дефинирано тело. Од здравствена гледна точка шеќерот е причина број еден за развивање на дијабетис тип 2 и овие шеќери се полни со калории. Заедно со транс мастите се најлошите состојки додадени во храната. Бидејќи се полни со калории во мала грамажа,многу лесно може да бидат консумирани на ден и многу лесно можат да дебелеат и да ви го уништат планот за здраво тело пред да преминат на вашето здравје. Доста тесно се поврзани и со развитокот на рак кај луѓето.
Сите шеќери спаѓаат во групата на јаглехидрати,разликуваме комплексни(полисахариди) јаглехидрати и прости(моносахариди) јаглехидрати(постојат и дисахариди).Прости шеќери се оние кои имаат само една шеќерна молекула како што се глукозата и фруктозата. Дисахаридите имаат две шеќерни молекули како што е лактозата и малтозата,додека полисахаридите имаат повеќе од 9 до неколку стотина шеќерни молекули како што е скробот(постојат и олигосахариди кои имаат од 3-9 шеќерни молекули).
Од овие најчесто што се наоѓаат како додадени шеќери се фруктозата и сукрозата.
Нивната концентрација во индустриски процесираната храна е многу поголема во однос на природната храна како што е овошјето и млекото.

healthy and junk food concept - woman with fruits rejecting hamburger and cake

Што спаѓа во лошиот шеќер?

Прво што треба да разликувате дека под рафиниран шеќер не подразбирме шеќер што природно се наоѓа во храната,во овошјето или млечните производи како што е фруктозата(најмногу во овошјето),малтозата(во медот),лактозата(во млекото). Тие шеќери ни се потребни во секојдневниот живот,но и со нивно несовесно внесување ќе го имаме истиот ефект како со додадените шеќери,иако многу е потешко да се стигне тој ефект со природни шеќери во споредба со вештачки .Разликата е тоа што природните шеќери ги внесуваме преку свежо овошје,свеж зеленчук,тестенини од цело зрно ,а таквата храна има растителни влакна.Тие растителни влакна ја прават огромна разликата.
Во лошите шеќери спаѓаат сите шеќери кои се вештачки дадодени во храната за време на индустриското производство.
Пример ќе земеме една праска или едно чоколадо.
Во праската имаме фруктоза и растителни влакна ,додека во чоколадото имаме најногу сахароза без растителни влакна. Кога ќе ја изедеме праската шеќерот во крвотокот се пушта пополека од дигестивниот систем, а причина за тоа се растителните влакна кои го успоруваат процесот на дигестија,па затоа нивото на шеќер во крвта не се качува нагло.
За разлика од праската,кога изедеме чоколада,бидејќи нема растителни влакна во неа,сахарозата брзо се разградува на глукоза и брзо се испушта во крвотокот, а со тоа нивото на шеќер се качува нагло,што пак предизвикува зголемено лачење на хормонот инсулин со цел да се намали шеќерот.Инсулинот го намалува шеќерот со тоа што го трансформира во триглицериди и гликоген,од кои триглицеридите ги складира во телото како резервна енергија т.е. како сало. Со подолго внесување на ваков вид на шеќери може да се развие резистенција на инсулинот кај клетките кои го примаат шеќерот,па тоа доведува до појава на дијабетис тип 2. Додајте го на ова дека го зголемуваат и крвниот притисок и предизвикуваат забрзан развој на кариес на забите и ви е јасно колку негативни последици има од нив, додека вишокот на триглицериди предизвикува кардиоваскуларни заболувања.
Додадените шеќери се полни со „празни“ калории. Терминот празни калории значи дека се полни само со енергија, без никаква нутритивна вредност т.е не се ко овошјето кое има шеќер,но има и растителни влакна,минерали,витамини.

woman-eating-fresh-salad
Дневната дозволена доза кај мажи е одприлика 150 калории од 2000те калории пресметани како просечен дневен внес или околу 5% од вкупните калории внесени,а кај жени таа бројка е уште помала,100 калории на ден.
Колку за споредба една лименка Кока Кола има 140 калории кои доаѓаат од 39 грама на додадени шеќери. Едно 100грамско чоколадо Милка има 530 калории,кои доаѓаат од 58 грама додадени шеќери и 17 грама на сатурирани масти ! Значи Милката е комплетно храна која мора да се избегнува.
Значи кога купуваме храна секогаш треба да ја проверуваме нутритивната табела.
Пример повторно ќе ја земам Кока Колата која има 39 грама јаглехидрати од кои 39 грама се од додадени шеќери ! Додека еден оброк од овесните мусли (без додадени шеќери) кој е од прилика 160 грама има 17 грама јаглехидрати од кои само 0,5 грама паѓаат на додадени шеќери. Плус овде имате минерали,витамини и растителни влакна.
Може лесно да ја воочите разликата.
Овој вид на храна со додадени шеќери предизвикува зависност. Поради добриот вкус ги залажува потрошувачите дека е добра храна и второ поради тоа што нашиот мозок многу сака шеќер, секојпат кога јадеме ваква храна се испушта хормон кој се вика допамин кој ни дава чувство на среќа.Затоа се чувствуваме удобно и задоволно кога јадеме ваква храна. А нашиот мозок исто така многу го сака допаминот,па може да видете како затворен,опасен круг е тоа.
Значи овој вид на „храна„ треба што е можно помалку да се внесува или комплетно да се избегнува. Тука спаѓа скоро секоја храна која ја има по маркетите како : чоколада,слатки,вафли,наполитанки,соленки,разни грицки,„интегрални„ грицки, газирани сокови,џусови,алкохол, сушено овошје со додаден шеќер,сладоледи. Исто така тука спаѓа и брзата храна како хамбургери,чизбургери,чикенбургери,помфрит,пица,бурек,банички итн.
Знам дека е многу, но сето ова е лоша,нездрава храна. Запамтите дека здравјето е најдобрата инвестиција која може да ја направите во животот, додека добро фитнес тело не доаѓа без средена диета.
Исто важно што треба да знаете е дека секоја жива клетка во секој жив организам функционира со глукоза како основен извор на енергија. Значи правете разлика кој вид на шеќер го внесувате во себе.Дневната потреба од јаглехидрати кај физички неактивни луѓе е 130 грама на ден,кај физички активни оваа бројка е поголема заради поголемата потрошувачка на калории ,а храна од која најдобро може да ја внесете оваа бројка се : зеленчукот,овошјето, тестата со цело зрно(заменете го белиот леб со леб од цело зрно),додека храна како што е медот да ја лимитирате на една до две лажички на ден.Healthy

 

Автор: Душан Стојанов

 

 

Leave a Reply

Your email address will not be published. Required fields are marked *